Full Lyrics
Anders kein freud ich nit beger
dann frölich sein in eeren
halt mich der gleich dich nit ver kher
thu mich der bitt geweren
wann all mein weyß
ist dir mit fleiß
geneygt nach deim gefallen
in eeren dich
glaub sicherlich
liebst du mir ob in allen
Anders frölich wil ich sein nit
dann zucht und eer zu mehren.
Wie wol die sach laufft spitzig mit
will mich nit fast bethören
du weyst wo was
unnd laß dir das
alzeit von mir gefallen
in eeren dich glaub sicherlich
liebst du mir ob in allen.
Anders kein hoffnung hab ich nit
dann frum und frölich leben.
Des gleichen dich gar freuntlich bit
du wöllest also streben
in diesem fal
da ich dißmal
an dir hab kein mißfallen
inn eeren dich
glaub sicherlich
liebst du mir ob in allen.
