Full Lyrics
Alma parens dilecta Deo superumque voluptas,
Religio vitae columen certaeque salutis
anchora praesidium rebus solamen in arctis.
Qua sine caelestis statio tutissima portus
non dabitur, quicquid rimentur pectora caeca
et studio quaerant vano sterilique labore.
Nos pia turba sumus tua jussa verenda sequentes
flecten quos potuit nunquam de tramite recto
nec mala sacrilegae flectet contagio gentis.
Tu modo diva favens nostras ne desere terras
talibus in tenebris aevi tantisque periclis
dum properat fessi fatalis clausula mundi.
Aspice ut invictos heroas foedere sacro
junxerit ille potens Rex nostri gloria saecli
qui zelo majore tuos validi tueantur honores.
