Full Lyrics
Aggiu vistu lu mappamundu
E la carta di navigari,
Ma Cicilia mi pari
La chiù bella di quistu mundu.
Tri Cicilie son, nun chiui,
Tutti tri son curunati:
Re Alfonso 'n tien li dui,
Citrapharum et Ultrapharum.
La terç'ha 'n lu calendari,
Nun zi parla di la quarta,
Chi nun zi truva scritta in carta:
È vinuta di l'autru mundu.
Vidi Corziga e Sardigna
E la isula di Medea,
Nun sia nullu chi m'inzigna
Cipra, Candia e la Morea.
Ai' circatu cun la gallea
La nov'isula di Castella,
Ma Cicilia è tantu bella
Chi pinzandu mi cunfundu.
Aggiu vistu lu mappamundu
E la carta di navigari,
Ma Cicilia mi pari
La chiù bella di quistu mundu.
