Full Lyrics
Adiuro vos filiae Ierusalem
per capreas cervosque camporum ne suscitetis,
neque evigilare faciatis delictam quo ad usque ipsa velit
vos dilecti mei ecce iste venit saliens
in montibus transiliens colles
similis est dilectus meus capreae hinnuloque cervorum
en ipse stat post parietem nostrum
respiciens per fenestras
prospiciens per cancellos
en dilectus meus loquitur mihi.
Surge propera amica, columba mea, formosa mea et veni,
iam enim hiems transiit imber abiit et recessit.
Flores apparuerunt in terra nostra,
tempus putationis advenit.
Vox turturis audita est in terra nostra,
ficus protulit grossos suos vineae florentes dederunt odorem suum.
Surge propera amica mea, speciosa mea et veni,
columba mea, in foraminibus petrae in caverna maceriae.
Ostende mihi faciem tuam sonet vox tua in auribus meis
vox enim tua dulcis et facies tua decora.
