Full Lyrics
Adesto, sancta Trinitas,
Par splendor, una Deitas:
Qui extas rerum omnium
Sine fine principium.
Te caelorum militia
Laudat, adorat, praedicat,
Triplexque mundi machina
Benedicit per saecula.
Assumus et nos cernui
Te adorantes famuli:
Votaque preces supplicum
Hymnis junge caelestium.
Unum te lumen credimus
Quod et ter idem colimus:
Alpha et O quem dicimus
Te laudat omnis Spiritus.
Laus Patri sit Unigenito,
Laus sit Sancto Spiritui,
Trino Deo et simplici.
Amen.
