Full Lyrics
1. Ad preces nostras deitatis aures*
Deus inclina pietate sola:
Supplicum vota suscipe precamur
famuli tui.
2. Respice clemens solio de sancto.
Vultu sereno lampades illustra:
Lumine tuo tenebras depelle
pectore nostro.
3. Crimina laxa pietate multa
ablue sordes, vincula disrumpe:
Parce peccatis, releva jacentes
dextera tua.
4. Te sine tetro mergimur profundo:
Labimur alta sceleris sub unda:
Brachio tuo trahimur ad clara
sidera coeli.
5. Christe lux vera bonitas et vita
gaudium mundi pietas inmensa
Qui nos a morte roseo salvasti
sanguine tuo.
6. Insere tuum petimus amorem:
Mentibus nostris fidei refunde:
Lumen aeternum charitatis auge
dilectionem.
7. Tu nobis dona fontem lacrimarum
Ieiuniorum fortia ministra
vitia carnis millia retunde
framea tua.
8. Procul a nobis perfidus absistat:
Satan a tuis viribus confractus.
Sanctus assistat Spiritus a tua
sede demissus.
9. Gloria Deo sit aeterno Patri,
Sit tibi semper genitoris nate:
Cum quo aequalis Spiritus per cuncta,
Saecula regnat. Amen.
*In some hymnals the first line is Aures ad nostras Deitatis preces
