Full Lyrics
Ach scönes bild,
wolt ir euch nicht versünden
so last mein klag
nit für ein lufft verschwinden
sondern vil mehr
euch gegn mir gnedig finden.
Mein schreyen macht
das ich nicht mehr kan schlinden
mein mund ist dürz
als wie ein harte rinden
mein lefftzen auch
vor grosser hitz auffschrinden.
Das weinen schafft
daß ich werd gar erblinden
mein krafft ist hin
thu an mir nichts empfinden
kan lenger nit
die groß hitz überwinden.
Ach, lescht die flamm
die ihr habt an thun zünden
wolt ir nit gar
so thut es mir doch linden
nur ir allein
köndt mich des lasts entbinden.
