Full Lyrics
1. Luegit, vo Berg und Tal
flieht scho der Sunne Strahl;
luegit, uf Aue und Matte
wachse die dunkele Schatte;
d'Sunn uf de Berge erstoht,
o wie sind d'Gletscher so rot.
2. Luegit, do oben am See
heimet zu wendet sich’s Veh;
losed, wie d’Glogge, die schöne,
fründlig im Moos üs ertöne;
Chüejerglüt, üseri Lust,
tuet üs so wohl i der Brust.
3. Still, a de Berge wird’s Nacht,
aber de Herrgott wacht.
G'sehnder selb Sternli dört schyne?
Sternli, wie bist du so fryne!
g'sehnder, am Nebel dört staht’s!
Sternli, Gott grüß' di, wie gaht’s?
4. Losed, es seit is gar guet:
„Hätt mi nit Gott i der Hut?
Fryli, der Vater von alle
laht mi gwüß währli nit falle;
Vater im Himmel, der wacht.“
Sternli, lieb’s Sternli, guet Nacht!
